"Rudisheni shule za wasichana za Mtwara na Masasi" Wananchi

WABUNGE wanaotoka mikoa ya Kusini ya Lindi na Mtwara wametakiwa kutetea haki za watoto ikiwemo kuishauri Serikali kurudisha shule za wasichana za Mtwara na Masasi  zitoe elimu kuanzia kidato cha kwanza hadi cha nne badala ya kidato cha tano na sita.

Hayo yalisemwa juzi na  mmoja wa washiriki kutoka Kanda ya Kusini, Bibiana

Mmoro wakati wa kongamano la Kitaifa la Wanawake, lililoandaliwa na Muungano wa Mashirika ya kutetea masuala ya jinsia lililomalizika jana mjini Dodoma.

Mmoro alisema kuwa, shule hizo mbili zilikuwa zikisaidia kwa

kiasi kikubwa kupokea watoto wa Kusini  lakini baada  ya kubadilishwa kuwa

kidato cha tano na sita wengi wanaochaguliwa wanatoka nje ya Kanda ya

Kusini.

Pia, alitaka wabunge kutetea haki za watoto kwa kuhakikisha kila wilaya

inakuwa na shule moja ya bweni ili kuwapa fursa wanafunzi wengi wa kike

kupata elimu bora.

Mbunge wa Viti Maalumu Agnes Hokororo (CCM) alisema masuala ya siasa

yamekuwa yakirudisha nyuma maendeleo kwa wananchi kupiga vita baadhi ya miradi ya maendeleo inayotekelezwa katika maeneo yao.